18 чэрвеня ў Менску адбылося ўручэньне Мэдалёў да стагодзьдзя БНР Станіславу Шушкевічу, Уладзімеру Арлову, а таксама Радзіму Гарэцкаму, Сяргею Антончыку і Сьвятлане Алексіевіч.
Tag Archives: Адраджэньне незалежнасьці (1991)
Мартыралёг Беларусі
19 кастрычніка 1988 г. у Менску прайшоў устаноўчы сход таварыства «Мартыралёг Беларусі» — грамадзкага гісторыка-асьветніцкага таварыства памяці ахвяраў камуністычных рэпрэсіяў у Беларусі (першапачаткова «Таварыства памяці ахвяраў сталінізму»). «Мартыралёг Беларусі» займаецца асьветніцкай і дасьледніцкай дзейнасьцю, зьбірае інфармацыю пра злачынствы савецкай акупацыйнай улады ў Беларусі.
Пагоня і Бел-чырвона-белы сьцяг – дзяржаўныя сымбалі Рэспублікі Беларусь. 19.09.1991
19 верасьня 1991 г. рашэньнем Вярхоўнага Савету Рэспублікі Беларусь герб “Пагоня” і бел-чырвона-белы сьцяг, якія былі дзяржаўнымі сымбалямі Беларускай Народнай Рэспублікі, былі прынятыя ў якасьці дзяржаўнае сымболікі Рэспублікі Беларусі.
Менскі гарадзкі савет пастанавіў вярнуць назву “Менск”, скасаваную савецкімі акупантамі – 05.09.1991
5 верасьня 1991 г. Менскі гарадзкі савет народных дэпутатаў пастанавіў зьвярнуцца да ўладаў Беларусі з прапановай вярнуць гораду гістарычную назву “Менск” замест польскай назвы “Мінск”, прынятай акупацыйнай савецкай уладай 29 ліпеня 1939 г.
Разам з гэтым Менску быў вернуты ягоны старажытны герб.
Вяртаньне гістарычнай назвы так і не было зацьверджанае Вярхоўным Саветам Беларусі, а сама прапанова зьвярнуцца да ўладаў Беларусі была скасаваная недэмакратычна сфармаваным гарадзкім саветам у сакавіку 2001 г.
Многія беларускія гарады і вёскі дагэтуль афіцыйна носяць польскія (Гародня – “Гродна”, Берасьце – “Брэст”, Наваградак – “Навагрудак” і інш.) альбо савецкія (Койданава – “Дзяржынск”, Прапойск – “Слаўгарад” і інш.) назвы замест гістарычных беларускіх.
Хроніка аднаўленьня незалежнасьці – фільм Сяргея Чырыка (2003)
Унікальныя рарытэтныя кадры падзеяў канца 1980-х – пачатку 1990-х у Беларусі, інтэрвію з удзельнікамі тых лёсавызначальных для Беларусі падзеяў у фільме Сяргея Чырыка “Хроніка аднаўленьня незалежнасьці”, зьнятым у 2003 г.
Аднаўленьне незалежнасьці Беларусі – 25.08.1991
25 жніўня 1991 года Вярхоўны СаветБССР надаў Дэклярацыі аб дзяржаўным сувэрэнітэце Беларусі, прынятай у 1990 годзе, сілу канстытуцыйнага закону. Разам з гэтым былі прынятыя пастановы пра “дэпартызацыю” органаў дзяржаўнай улады (гэта значыць, касаваньне абавязковага дамінаваньня камуністычнай партыі ўва ўсіх органах улады), а таксама пра часовую забарону КПСС.
Такім чынам Беларусь пасьля больш як 70 гадоў савецкае акупацыі зноў афіцыйна рабілася сувэрэннаю дзяржавай.
Continue reading Аднаўленьне незалежнасьці Беларусі – 25.08.1991
Дэклярацыя аб сувэрэнітэце Беларусі – 27.07.1990
27 ліпеня 1990 г. Вярхоўны Савет БССР прыняў Дэкларацыю аб дзяржаўным сувэрэнітэце Беларускай ССР.
Паводле Дэклярацыі, Беларусь абвяшчалася сувэрэннай дзяржавай, “якая ўсталявана на аснове ажыцьцяўленьня беларускай нацыяй яе неад’емнага права на самавызначэньне, дзяржаўнасьці беларускай мовы, вяршэнства народа ў вызначэньні свайго лёсу”. Сілу канстытуцыйнага закона Дэклярацыя набыла толькі 25 жніўня 1991 г.
З 1991 па 1996 гг. 27 ліпеня адзначалася ў якасьці Дня Незалежнасьці Рэспублікі Беларусь.
Тэкст дэклярацыі:
Continue reading Дэклярацыя аб сувэрэнітэце Беларусі – 27.07.1990
Віншаваньне з 25 сакавіка ад амбасадара Рэспублікі Беларусь – 1995 г.
Віншаваньне на адрас адной з тагачасных арганізацый беларускай дыяспары ў ЗША ад амбасадара Рэспублікі Беларусь у ЗША Сяргея Мартынава. У 2003 – 2012 гг. С. Мартынаў быў міністрам замежных справаў Рэспублікі Беларусь.
***
Паважанае спадарства!
Шлю Вам шчырыя прывітаньні з 77-мі ўгодкамі 25 Сакавіка.
Continue reading Віншаваньне з 25 сакавіка ад амбасадара Рэспублікі Беларусь – 1995 г.
Канстытуцыя незалежнай Рэспублікі Беларусь – 1994 г.
15 сакавіка 1994 г. Вярхоўны Савет Беларусі прыняў першую Канстытуцыю незалежнае Рэспублікі Беларусь.
Насуперак намаганьням Апазыцыі БНФ, Канстытуцыяй прадугледжвалася пасада Прэзыдэнта Рэспублікі Беларусь, якую ў выніку выбараў, што прайшлі летам таго году, заняў Аляксандар Лукашэнка.
Тэкст Канстытуцыі ў рэдакцыі ад 1994 г.:
Мы, народ Рэспублікі Беларусь (Беларусі),
зыходзячы з адказнасці за цяперашні стан і будучыню Беларусі,
усведамляючы сябе паўнапраўным суб’ектам сусветнага супольніцтва і пацвярджаючы сваю прыхільнасць да агульначалавечых каштоўнасцей,
грунтуючыся на сваім неад’емным праве на самавызначэнне,
абапіраючыся на шматвяковую гісторыю развіцця беларускай дзяржаўнасці,
імкнучыся зацвердзіць правы і свабоды кожнага грамадзяніна Рэспублікі Беларусь,
жадаючы забяспечыць грамадзянскую згоду, непахісныя ўстоі народаўладдзя і прававой дзяржавы,
прымаем гэту Канстытуцыю — Асноўны Закон Рэспублікі Беларусь.
Continue reading Канстытуцыя незалежнай Рэспублікі Беларусь – 1994 г.
Першы візыт прэзыдэнта ЗША ў Беларусь – 15.01.1994
15 студзеня 1994 г. адбыўся першы ў гісторыі афіцыйны візыт прэзыдэнта ЗША ў Беларусь.
Прэзыдэнт Біл Клінтан меў сустрэчы зь кіраўніцтвам Беларусі, выступіў у Акадэміі Навук, ушанаваў памяць пагінулых у Другой Сусьветнай Вайне і ахвяраў савецкіх рэпрэсій.
Біл Клінтан у Курапатах: