Tag Archives: Беларуска-Амэрыканскае Задзіночаньне

Сьвяткаваньне 25 сакавіка ў ЗША ў 1960-я: фота

25 сакавіка ў Лос Анжэлесе, 1966 год
25 сакавіка 1966 г. афіцыйна адзначалася як Дзень Незалежнасьці Беларусі ў Чыкага распараджэньнем мэра Рычарда Дэйлі (Richard J. Daley).
На фота з газэты “Бацькаўшчына” (крыніца – Biblioteka Kamunikat.org) беларускія дзяўчаты ўручаюць мэру букет ад імя беларускай дыяспары Чыкага
Дэлегацыя БАЗА ў віцэ-прэзыдэнта ЗША Губэрта Г. Гамфры (Hubert H. Humphrey).
Зьлева направа: Рэфэрэнт вонкавых дачыненьняў БАЗА доктар Станіслаў Станкевіч, капэлян Сэнату дастойны Фрэдэрык Браўн Гаррыс (Frederick Brown Harris), Біскуп БАПЦ Васіль (Тамашчык), віцэ-прэзыдэнт ЗША Г. Гамфры, старшыня Галоўнай Управы БАЗА інж. Мікалай Гарошка, прафэсар Барыс Кіт.

Крыніца: Бібліятэка “Камунікат” (http://kamunikat.org/)

Кастусь Мерляк

25 сьнежня 1919 году ў Наваградзкім павеце нарадзіўся Кастусь Мерляк, радны БНР, беларускі грамадзкі дзеяч у Аргентыне і ЗША.

З нэкралёгу ў газэце “Беларус” (№539):

“Жыцьцё ягонае, за выняткам апошніх 12 гадоў нямогласьці, было поўнае дзеяньня на палітычнай і грамадзка-рэлігійнай ніве ў пяцёх краінах. Шлях пралёг з роднае Наваградчыны ў Нямеччыну, Італію, Аргентыну (1944-54) ды Злучаныя Штаты Амэрыкі (з 1954).

Праз усё жыцьцё [ён] выяўляў энэргію й працавітасьць як у прафэсійнай дзейнасьці бухгальтара, а тады – фінансавага кантралёра вялікай вадаплаўнай кампаніі, гэтак і ў грамадзкіх справах. Кастусь Мерляк пакінуў трывалыя вынікі ў гісторыі беларускай паваеннай эміграцыі ў краінах ягонага прабываньня. Заснавальнік і старшыня Згуртаваньня Беларусаў Аргентыны, старшыня Беларуска-Амэрыканскага Задзіночаньня, а пасьля – Беларуска-Амэрыканскага Аб’еднаньня ў Нью-Ёрку ды іншых грамадзкіх структураў, ініцыятар і ўдзельнік розных палітычных праектаў. Ва ўсёй гэтай дзейнасьці, пры ягонай напорыстай натуры, не абыходзілася бяз спрэчак і канфліктаў, але канчальнай мэтай заўсёды заставалася дабро нацыянальнай справы.

Continue reading Кастусь Мерляк

Уладзімер Набагез

20 кастрычніка 1919 г. на Наваградчыне нарадзіўся Ўладзімер Набагез – сябра Рады БНР у выгнаньні, беларускі грамадскі дзеяч у ЗША.

Continue reading Уладзімер Набагез

Прадстаўнікі Рады БНР узялі ўдзел у 7. Зьезьдзе Беларусаў Сьвету.

Сябры Прэзыдыюма Рады БНР ўзялі ўдзел у 7. Зьезьдзе Беларусаў Сьвету, які прайшоў 15 і 16 ліпеня ў Менску.

Continue reading Прадстаўнікі Рады БНР узялі ўдзел у 7. Зьезьдзе Беларусаў Сьвету.

Зора Кіпель

1 ліпеня 1927 г. у Менску нарадзілася Зора Кіпель (дзяв. Савёнак) – беларуская грамадзкая дзяячка, літаратуразнавец, публіцыстка. Continue reading Зора Кіпель

Віншаваньне з Днём Волі ад прэзыдэнта ЗША Дуайта Айзэнгаўэра – 1958

З нагоды 40-й гадавіны абвяшчэньня незалежнасьці Беларускай Народнай Рэспублікі Прэзыдэнт ЗША Айзэнгаўэр перадаў на рукі старшыні Беларуска-Амэрыканскага Задзіночаньня Кастуся Мерляка прывітаньне наступнага зьместу:

БЕЛЫ ДОМ
ВАШЫНГТОН
АСЫСТЭНТ ПРЭЗЫДЭНТА

15 сакавіка 1958 г.

Паважаны пане Мерляк,

Прэзыдэнт папрасіў мяне перадаць Вам, а таксама членам і сябрам Беларуска-Амэрыканскага Задзіночаньня, ягоныя віншаваньні і найлепшыя пажаданьні посьпеху Вашай грамадзе.

Ініцыятыўны дух і багатыя навыкі грамадзянаў беларускага паходжаньня зрабілі істотны ўнёсак у веліч нашае краіны.

Хаця сёлетняе сьвяткаваньне адбываецца ў пэрыяд міру, неабходна заўжды быць гатовымі перад небясьпекамі, якія пагражаюць міру ў цяперашнім неспакойным сьвеце. У намаганьнях захаваць нашую краіну моцнай і гатовай, мы ведаем, што нашыя грамадзяне беларускага паходжаньня робяць сваю важную долю працы.

з павагаю,
Шэрман Адамс

Continue reading Віншаваньне з Днём Волі ад прэзыдэнта ЗША Дуайта Айзэнгаўэра – 1958

Аўген Калубовіч (Каханоўскі)

5 сакавіка 1910 г. ў Рагачоўскім павеце нарадзіўся Аўген Калубовіч (Каханоўскі), прам’ер-міністар БНР, пісьменьнік, гісторык, пэдагог, вязень ГУЛАГ.

Continue reading Аўген Калубовіч (Каханоўскі)

“Мы прыпамінаем добрае ў нябожчыках, каб арыентавацца самім на добрае ў нашых учынках” – Янка Запруднік пра Антона Шукелойця

Сьв. Пам. АНТОН ШУКЕЛАЙЦЬ

Разьвітальнае слова

Сьветлай памяці Антон Шукелайць часта прамаўляў на могільніках ці на паміках, разьвітваючыся з  суродзічамі-працаўнікамі на беларускай ніве. Цяпер прыйшла чарга нам сказаць яму “Вечная памяць”.

Continue reading “Мы прыпамінаем добрае ў нябожчыках, каб арыентавацца самім на добрае ў нашых учынках” – Янка Запруднік пра Антона Шукелойця

14 і 15 студзеня: разьвітаньне з Антонам Шукелойцям у Нью-Ёрку

Беларуска-Амэрыканскае Задзіночаньне паведамляе пра жалобныя мерапрыемствы сьв.памяці Антона Шукелойця.

Паніхіда  пройдзе ў суботу 14 студзеня 2016 з 10 раніцы да 12 гадзін ў Пахавальным Доме Малішэўскага ў Нью Джэрзі  на адрасе : 218 Whitehead Ave, South River, NJ ( Funeral Service Matthew A. Maliszewski). Пасьля гэтага пахаваньне  адбудзецца на беларускіх могілках Saint Mary of Zyrovicy Cemetery (Cranbury Road, East Brunswick, NJ)

У нядзелю, 15 студзеня,  паніхіда па памерлым будзе таксама  адслужана  пасьля нядзельнай Багаслужбы  ў Саборы Сьв. Кірылы Тураўскага БАПЦ на Атлантык Авэню ў Брукліне ( пачатак Багаслужбы ў 10:00).

Далей у царкоўна-грамадзкай залі Сабору  пройдзе Памінальная імпрэза. За сяброўскім памінальным сталом згадаем пра жыцьцё сп. Шукелойця, пра ягоную ролю ў гуртаваньні беларускай дыяспары ў Амэрыцы,  пра ягонае адданае служэньне беларускай справе. Будуць дэманстравацца відэа і фота.

Цягам гэтых двух дзён беларусы Нью Ёрку і  Нью Джэрзі могуць знайсьці магчымасьць наведаць гэтыя сумныя мерапрыемствы, прыняць удзел у іх,  распавесьці свае ўспаміны і згадкі, памянуць добрым словам чалавека, які стаў яркім прыкладам служэньня сваёй Бацькаўшчыне цягам усяго жыцья, як на Радзіме, так і на чужыне.

Галоўная управа БАЗА

In Memoriam: Антон Шукелойць

7 студзеня на 102-м годзе жыцьця ня стала раднага БНР Антона Шукелойця, шматгадовага дзеяча й лідара беларускай дыяспары ў Злучаных Штатах Амэрыкі, выбітнага беларускага пэдагога, дасьледчыка, актывіста.

Continue reading In Memoriam: Антон Шукелойць