Рада Беларускае Народнае Рэспублікі далучаецца да віншаваньняў.

Янка Запруднік (сапраўднае імя Сяргей Вільчыцкі) нарадзіўся ў 1926 г. у мястэчку Мір у сям’і вясковых настаўнікаў.

У час Другой Сусьветнай Вайны скончыў Баранавіцкую прагімназію, потым вучыўся ў Баранавічах у гандлёвай школе.

З 1944 г. у эміграцыі ў Нямеччыне, потым працаваў на шахтах у Вялікабрытаніі і стаў адным з заснавальнікаў Згуртаваьня Беларусаў у Вялікай Брытаніі.

У 1954 г. закончыў гістарычны факультэт Лювэнскага каталіцкага ўнівэрсытэту ў Бэльгіі. Потым працаваў на радыёстанцыі “Вызваленьне” (цяпер – “Свабода”).

З 1957 г. у ЗША. Абараніў у Нью-Ёрцкім унівэрсытэце доктарскую дысэртацыю на тэму “Палітычнае змаганьне за Беларусь у Дзяржаўнай думе 1906-1917 гг.”, выкладаў гісторыю ў вышэйшых навучальных установах ЗША. Аўтар шматлікіх кнігаў і артыкулаў па гісторыі Беларусі, мае ўзнагароды ад Беларускай Праваслаўнай Царквы.

У мястэчку Мір, як і на ўсёй тэрыторыі акупаванай Беларусі, бальшавікі праводзілі рэквізіцыі маёмасьці (перадусім, харчаваньня) на патрэбы Чырвонай Арміі, а таксама праводзілі мабілізацыю мясцовага насельніцтва ў свае атрады. Пратэстуючы супраць гэтага, у канцы сакавіка мясцовыя жыхары забілі двух бальшавіцкіх камісараў.

ЧК паслала для пакараньня жыхароў Міра бальшавіцкі Слуцкі зборны баталён, створаны зь мясцовых беларусаў. Баталён павярнуў зброю супраць “чырвоных”. Да яго адразу далучыліся атрады мясцовых жыхароў.

Для барацьбы супраць паўстаньня бальшавікі паслалі Трэці менскі полк ГубЧК. Перастрэлка каля руінаў замку й рэчкі Міранкі доўжылася чатыры дні, на працягу якіх было забіта 25 паўстанцаў і 30 чэкістаў. Пасьля гэтага выступленьне было падаўлена бальшавікамі.