Старшыня Рады БНР Івонка Сурвілла ўручыла мэдалі ўладыку Сьвятаславу (Логіну), дзеячам беларускае дыяспары ў Канадзе Пятру Мурзёнку, Валянціне Шаўчэнцы і Анатолю Храноўскаму, а таксама праваабаронцу Дэвіду Кілгуру.

Уладыка Сьвятаслаў (Логін) – архіяпіскап і першагіерарх Беларускай аўтакефальнай праваслаўнай царквы, духоўны лідар вернікаў БАПЦ.

Доктар Пётра Мурзёнак – паэт і актыўны дзеяч беларускае дыяспары ў Канадзе, старшыня Згуртаваньня беларусаў Канады ў 2001 – 2005 гг.

Валянціна Шаўчэнка – адна зь лідараў беларускае грамады Канады, шматгадовая старшыня Згуртаваньня беларусаў Канады, вядомая сваёй грамадзкай і творчай актыўнасьцю.

Анатоль Храноўскі – прадстаўнік старога пакаленьня беларускае дыяспары ў Канадзе, на працягу многіх дзесяцігодзьдзяў актывіст і кіраўнік беларускае грамады ў Квэбэку. За пана Храноўскага, які ня змог прысутнічаць на мерапрыемстве, мэдаль атрымаў ягоны сын.

Дэвід Кілгур – канадзкі палітык і праваабаронца, былы дэпутат парлямэнта Канады, які на працягу сваёй кар’еры актыўна займаўся праблемамі правоў чалавека ў Беларусі і праявіў сябе як вялікі шчыры сябар Беларусі.

(Фотаздымкі: Алесь Каралькевіч)

“Ź vialikim sumam daviedałasia, što adyjšła ŭ lepšy śviet na 85-m hodzie žyćcia maja siabroŭka i supracoŭnica ŭ Kanadzkim Fońdzie Dapamohi Achviaram Čarnobyla ŭ Biełarusi Paŭlina Paškievič Smith.

Pra Paŭlinu ja pisała ŭ majoj knizie “Daroha”. Uspaminała jaje jak adnu z vydatnych žančyn, jakich mnie paščaściła paznać u maim žyćci.

Naradziłasia jana ŭ Kanadzie ŭ siamji biełaruskich baptystaŭ z Stolinščyny, jakija emihravali ŭ pačatku 30-ch hadoŭ. Paznajomilisia my ź joju, kali pierabralisia ŭ pravincyju Quebec, dzie jana brała aktyuny ŭdzieł u halinie školnictva. Kali my załožvali Kanadzki Fond Dapamohi Achviaram Čarnobyla ŭ Biełarusi i byli patrebnyja try podpisy ludziej, jakija nia mieli siamiejnych suviaziaŭ miž saboju, Paŭlina zhadziłasia być adnym z patrebnych troch padpisantaŭ, razam ź Zinaj Himpielevič i mnoju.

Ułažyła Paŭlina Paškievič vializarnuju pracu ŭ žyćcio Fondu. Šmat hadoŭ žyli ŭ jaje ŭsio leta pierakładčyki, jakija pryjaždžali ź dziećmi ŭ Kanadu. Naležała jana da ŭpravy Fondu i vykonvała roznyja funkcyi ŭ hetaj jakaści.