Вячка Станкевіч – Рада Беларускай Народнай Рэспублікі https://www.radabnr.org Рада Беларускай Народнай Рэспублікі. Афіцыйны сайт Thu, 27 Jun 2019 05:51:37 +0000 be hourly 1 https://wordpress.org/?v=6.8.3 https://www.radabnr.org/wp-content/uploads/2016/11/cropped-1918-Pahonia-logo-32x32.jpg Вячка Станкевіч – Рада Беларускай Народнай Рэспублікі https://www.radabnr.org 32 32 Зянон Пазьняк, Янка Запруднік, Вітаўт Кіпель і іншыя дзеячы ў ЗША атрымалі Мэдаль да стагодзьдзя БНР https://www.radabnr.org/bnr100-zsa-22062019/ Sun, 23 Jun 2019 10:53:20 +0000 http://www.radabnr.org/?p=3743 22 чэрвеня ў Нью-Брансьвіку, штат Нью-Джэрсі, ЗША, адбылося ўручэньне Мэдалёў да стагодзьдзя БНР некалькім дзеячам, што пражываюць у Злучаных Штатах.

Янка Запруднік. Фота Вадзіма Васільева

Зянон Пазьняк. Фота Сержа Трыгубовіча

Вячка Станкевіч. Фота Вадзіма Васільева

амбасадар Дэвід Сўортц. Фота Сержа Трыгубовіча

Ала Орса-Рамана. Фота Сержа Трыгубовіча

Валянціна Трыгубовіч. Фота Сержа Трыгубовіча

Сярод узнагароджаных у гэты дзень:

Томас Бёрд (Thomas E. Bird) – шматгадовы амэрыканскі дасьледчык і папулятар Беларусі ў сьвеце, аўтар і суаўтар некалькіх навуковых працаў пра Беларусь.

Вячаслаў Бортнік – беларуска-амэрыканскі грамадзкі дзеяч і праваабаронца, у мінулым старшыня беларускай філіі Amnesty International, старшыня аддзела Беларуска-амэрыканскага задзіночаньня ў Вашынгтоне, сябра Вялікай рады ЗБС “Бацькаўшчына”, старшыня каардынацыйнай групы Amnesty International па Эўразіі, Сакратар Рады БНР.

Валер Дворнік – актыўны дзяяч беларускае дыяспары ў Нью-Ёрку.

Доктар Янка Запруднік – гісторык, публіцыст, дзяяч беларускае дыяспары ў ЗША, аўтар некалькіх навуковых працаў па беларускай гісторыі.

Доктар Вітаўт Кіпель – дзяяч беларускае дыяспары ў ЗША, публіцыст, дасьледчык, аўтар некалькіх кнігаў па гісторыі Беларусі і беларускае дыяспары ў ЗША.

Доктар Ала Орса-Рамана – дзяяч беларускае дыяспары ў ЗША, дабрачынца, якая шмат адзначылася на ніве папулярызацыі Беларусі і беларускае культуры ў ЗША.

Зянон Пазьняк – выбітны палітык і дзяржаўны дзеяч, лідар Беларускага Народнага Фронту і Апазыцыі БНФ у Вярхоўным Савеце Беларусі ў канцы 80-х і пачатку 90-х. Зянон Пазьняк стаяў на чале шырокага ўсенароднага беларускага руху ў падтрымку незалежнасьці і дэмакратычных рэформаў. Беларускі Народны Фронт дабіўся аднаўленьня дзяржаўнае незалежнасьці Беларусі пасьля больш як 70 гадоў савецкае акупацыі, дэпутаты БНФ у парлямэнце Беларусі заклалі законадаўчы падмурак функцыянаваньня Беларусі як сувэрэннай дзяржавы. Зянон Пазьняк як бліскучы прамоўца і арганізатар адыграў у гэтым асаблівую ролю.

Вячка Станкевіч – журналіст і дзяяч беларускае дыяспары ў ЗША, у мінулым дырэктар беларускае службы “Радыё Свабода” і Старшыня Галоўнай управы Беларуска-Амэрыканскага Задзіночаньня.

Ганна Сурмач – журналіст і грамадзкі дзеяч, у 1993 годзе старшыня Згуртаваньня Беларусаў Сьвету “Бацькаўшчына” і арганізатар першага Зьезду беларусаў сьвету.

Дэвід Сўортц (David H. Swartz) – першы амбасадар ЗША ў Беларусі.

Валянціна Трыгубовіч – мастацтвазнаўца, палітычны актывіст і грамадзкі дзяяч, дасьледчыца творчасьці беларускіх мастакоў, у тым ліку прадстаўнікоў беларускае дыяспары ў ЗША.

 

Паседжаньне Прэзыдыюма Рады БНР

Таксама 22 чэрвеня ў Нью-Брансьвіку адбылося вочнае паседжаньне Прэзыдыюма Рады БНР. Былі абмеркаваныя бягучыя пытаньні дзейнасьці Рады, актуальныя праекты, а таксама актуальная міжнародна-палітычная сытуацыя вакол Беларусі.

]]> Вячка Станкевіч: інтэрвію тэлеканалу Белсат, 2013 г. (відэа) https://www.radabnr.org/%d0%b2%d1%8f%d1%87%d0%ba%d0%b0-%d1%81%d1%82%d0%b0%d0%bd%d0%ba%d0%b5%d0%b2%d1%96%d1%87-%d1%96%d0%bd%d1%82%d1%8d%d1%80%d0%b2%d1%96%d1%8e-%d1%82%d1%8d%d0%bb%d0%b5%d0%ba%d0%b0%d0%bd%d0%b0%d0%bb%d1%83/ Sun, 24 Mar 2013 11:07:40 +0000 https://radabnr.wordpress.com/?p=500 Інтэрвію Намесьніка Старшыні Рады БНР Вячкі Станкевіча ў рамках праграмы “ПраСвет” (пачатак ад 6:50), 2013 год.

https://youtu.be/6gGxROuufBQ?t=6m50s

]]> Асноўныя Пастановы прынятыя на паседжаньні Прэзыдыюму Рады БНР ад 3 лютага 2007 г. у Нью-Ёрку https://www.radabnr.org/%d0%b0%d1%81%d0%bd%d0%be%d1%9e%d0%bd%d1%8b%d1%8f-%d0%bf%d0%b0%d1%81%d1%82%d0%b0%d0%bd%d0%be%d0%b2%d1%8b-%d0%bf%d1%80%d1%8b%d0%bd%d1%8f%d1%82%d1%8b%d1%8f-%d0%bd%d0%b0-%d0%bf%d0%b0%d1%81%d0%b5%d0%b4/ Sat, 03 Feb 2007 10:06:01 +0000 https://radabnr.wordpress.com/?p=1219
  • Прызначыць Заступнікам Старшыні Рады БНР Сп. Вячку Станкевіча. Сп. Станкевіч будзе адказваць за каардынацыю дзейнасьці Радных БНР.
    Сп. Сяргей Навумчык, які ёсьць Заступнікам Старшыні Рады БНР ад 1997 г., прызначаецца Першым Заступнікам Старшыні Рады БНР.
  • Былі ўхваленыя дзьве новыя кандыдатуры ў Раду БНР з Эўропы.
  • Было пастаноўлена пачаць плянаваць адзначэньне 90-х угодкаў Абвяшчэньня Незалежнасьці – 25 Сакавіка. Пранановы і ідэі наконт урачыстага сусьветнага адзначэньня просіцца прысылаць на электронны адрас Сп-ні Аллы Орса-Романо: Mikita172@optonline.net.
  • Было пастаноўлена працягваць акцыю наконт Парыжскага Праекту (гістарычнае для БНР памешканьне на 65 rue des Gravilliers).
  • Ухвалена праграма Прэміі імя Вацлава Ластоўскага для беларускамоўных выкладчыкаў вышэйшых навучальных установаў у Беларусі.
  • Падняць узровень інфармацыі пра Раду БНР на сайце Рады, у замежнай прэсе, выданьнем англамоўнага раскладышу і лепшай камунікацыяй з адлеглымі краінамі.
  • Падтрымоўваць дзейнасьць Апазыцыі ў Беларусі накіраваную на ажыцьцяўленьне ідэалаў 25-га Сакавіка.
    • ]]>