Асноўныя Пастановы прынятыя на паседжаньні Прэзыдыюму Рады БНР ад 3 лютага 2007 г. у Нью-Ёрку

  1. Прызначыць Заступнікам Старшыні Рады БНР Сп. Вячку Станкевіча. Сп. Станкевіч будзе адказваць за каардынацыю дзейнасьці Радных БНР.
    Сп. Сяргей Навумчык, які ёсьць Заступнікам Старшыні Рады БНР ад 1997 г., прызначаецца Першым Заступнікам Старшыні Рады БНР.
  2. Былі ўхваленыя дзьве новыя кандыдатуры ў Раду БНР з Эўропы.
  3. Было пастаноўлена пачаць плянаваць адзначэньне 90-х угодкаў Абвяшчэньня Незалежнасьці – 25 Сакавіка. Пранановы і ідэі наконт урачыстага сусьветнага адзначэньня просіцца прысылаць на электронны адрас Сп-ні Аллы Орса-Романо: Mikita172@optonline.net.
  4. Было пастаноўлена працягваць акцыю наконт Парыжскага Праекту (гістарычнае для БНР памешканьне на 65 rue des Gravilliers).
  5. Ухвалена праграма Прэміі імя Вацлава Ластоўскага для беларускамоўных выкладчыкаў вышэйшых навучальных установаў у Беларусі.
  6. Падняць узровень інфармацыі пра Раду БНР на сайце Рады, у замежнай прэсе, выданьнем англамоўнага раскладышу і лепшай камунікацыяй з адлеглымі краінамі.
  7. Падтрымоўваць дзейнасьць Апазыцыі ў Беларусі накіраваную на ажыцьцяўленьне ідэалаў 25-га Сакавіка.

Memorandum of the Executive Council of the Rada BNR on the presidential elections in Belarus

Memorandum by the Executive Council

of the Rada of the Belarusian Democratic Republic

March, 20 2006

1. The Executive Council of the Rada of the Belarusian Democratic Republic in Exile (BNR Rada) having considered the 19 March 2006 presidential elections in Belarus as well as the preceding and subsequent events, and noting in particular that

  • the nomination of Alexander Lukashenka for presidency for the third term was unconstitutional and no democratic legitimacy had been secured for a revision of that norm;
  • in the course of the presidential campaign the incumbent regime effectively denied the electorate access to information necessary for making a free and informed choice;
  • the “elections” that took place on 19 March 2006 were neither free nor fair, and although the authenticity of the figures released has not been supported by any evidence, the results were forced on society solely by application of massive police violence; hereby concludes and declares that Alexander Lukashenka shall not be regarded as occupying the position of the President of Belarus legitimately, and therefore the office of the head of state in Belarus shall be regarded as usurped.

Continue reading Memorandum of the Executive Council of the Rada BNR on the presidential elections in Belarus

Зварот Старшыні Рады БНР да прэзідэнцкіх выбараў 19 сакавіка 2006

Атаўская газэта “The Ottawa Citizen” перадрукавала 10 сакавіка артыкул Джэрэмі Пэйдж з London Times пад загалоўкам “Страх ахапіў Беларусь напярэдадні выбараў”.

І тут мне прыпомніліся словы Папы Яна Паўла Другога да польскага народу. “НЯ БОЙЦЕСЯ” – казаў ён. Словы гэтыя мелі велізарны водгук і ім заўдзячаецца шматлікімі аналітыкамі перамога “Салідарнасьці” супраць нялюдзкага рэжыму.

Усе тыраніі, усе дыктатуры абапіраюцца на страх. Страхам апраўдваюцца так званыя “моцныя” рэжымы, бо ж, маўляў, толькі “моцны” правадыр можа абараніць народ ад нутраных і вонкавых ворагаў. Калі ж ворагаў няма, трэба іх прыдумаць. Так былі прыдуманыя “страшны” Захад, “агрэсыўная” Амэрыка, ды й найгоршыя з найгоршых – нашыя ўласныя “нацыяналісты”.

У адсутнасьці аб’ектыўнай інфармацыі людзям ня бачна, што ўся гэтая прапаганда, якой прамываюцца іх мазгі ад часоў Сталіна, ня мае іншай мэты, як зрабіць зь іх застрашаных нявольнікаў, якія будуць працягваць казаць, як нашыя дарагія бабулькі – “абы вайны не было”. Тыран Сталін укатрупіў дваццаць мільёнаў нявінных людзей пад тлумачэньнем, што ён зьнішчае “ворагаў народу”.

Новы кандыдат на гэтую ролю, Аляксандар Лукашэнка, які трымае ў сваіх руках уладу дзякуючы наступнікам Сталіна, карыстаецца тымі самымі аргумэнтамі. Нават назоў “бацька”, які дыктатар прысвоіў, сьведчыць пра такія намеры. Ён, маўляў, мусіць быць жорсткім “бацькам”, каб абараніць “нашу Беларусь” ад усіх ворагаў, уключна зь яе дэмакратычнай Апазыцыяй.

Жорсткасьць гэтая дазваляе яму гвалціць абсалютна ўсе людзкія правы – нават тыя, якімі наш народ карыстаўся яшчэ ў шаснаццатым стагодзьдзі, калі ён быў адным з найбольш цывілізаваных народаў Эўропы. Сёньня забараняецца чытаць вольную прэсу, канфіскуецца выбарчы матэрыял, арыштоўваюцца патрыёты, якія змагаюцца не за ўладу, а за лепшую долю свайго народу, забараняюцца мітынгі выбаршчыкаў, канкурэнты Лукашэнкі не дапускаюцца да СМІ і зьбіваюцца.

Дыктатар спадзяецца, што застрашаны люд даверыць яму яшчэ пяць гадоў улады і дазволіць яму закончыць сваё здрадніцкае жаданьне – адаць наш край у няволю. Гэта ўважаю найбольшай небясьпекай для будучыні Беларусі. Калі Лукашэнка здолее зьдзейсьніць сваю задуму “саюзу з Расеяй”, дзяржава нашая перастане існаваць, як яна перастала існаваць пасьля першага Аншлюсу яе ў Расейскую Імпэрыю ў 1795 годзе.

Дарагія суродзічы, Вы маеце права, як і ўсе людзі, жыць спакойна і шчасьліва ў сваёй уласнай дзяржаве, без страху, без тэрору. Вы маеце права працаваць самі на сябе, на сваіх дзетак, на сваіх унукаў. Вашыя суседзі прайшлі ўжо шлях да нармальнага стану жыцьця. Усе яны гатовыя вам дапамагчы. Адзін толькі сусед вам дабра не жадае, бо калі б жадаў, не падтрымоўваў бы дыктатара Лукашэнку.

Дык паўтару словы Папы Яна Паўла – НЯ БОЙЦЕСЯ!

Не давайце нікому адабраць у Вас Ваш голас. Не апускайце рук. Пакажыце сьвету сваю чалавечую годнасьць, каб Дзень 25-га Сакавіка стаўся назаўсёды усебеларускім Днём Волі.

Жыве Беларусь!

Івонка Сурвілла,
Старшыня Рады БНР
Канада, 12 сакавіка 2006

Віншавальнае пасланьне з нагоды Дня Герояў (2003)

Дарагія Суродзічы,

Ад імя Рады Беларускай Народнай Рэспублікі маю гонар вітаць Вас з нашым слаўным Днём Герояў, Днём калі Беларусы ўва ўсім сьвеце адзначаюць Слуцкі Збройны Чын.

Случчакі разумелі, якой каштоўнасьцяй ёсьць для кожнага народу воля і незалежнасьць, і вырашылі ісьці ратаваць беларускую незалежную дзяржаву – Беларускую Народную Рэспубліку – хаця і добра ведалі, якім будзе асабісты кошт гэтага змаганьня. Пра гэта сьведчаць словы на сьцягу змагароў: Пайшлі ўміраць, каб жыла Бацькаўшчына.

Нядаўна – 11-га лістапада – глядзела, як Канада ушаноўвала памяць сваіх герояў. Бяз танкаў і пераможных лозунгаў, а з любоўю, павагай і ўдзячнасьцю. Хочу прасіць усіх Вас – уключна з сёньняшнімі Случчакамі, унукамі і ўнучкамі Слуцкіх герояў – каб належна ўшанавалі памяць сваіх дзядоў. Бо толькі калі мы ўсе зразумеем тое, што ведалі Случчакі, толькі калі наш край станецца назаўсёды незалежным, зажыве беларускі народ вольна, заможна і шчасьліва. Перад намі такая самая адказнасьць за будучыню нашай Бацькаўшчыны.

Не дарма амаль стагодзьдзе асьвячае нашую барацьбу за незалежнасьць ваяцкі марш, які ужо сьпявалі Слуцкія змагарьі:

Мы выйдзем шчыльнымі радамі
На вольны, родны свой прастор.
Хай воля вечна будзе з намі,
А гвалту мы дамо адпор!

Жыве Беларусь!

Івонка Сурвілла
Старшыня Рады Беларускай Народнай Рэспублікі

Лістапад, 2003 г

Мэмарандум Прэзыдыюму Рады Беларускай Народнай Рэспублікі ў дачыненьні да пачатку вяшчаньня радыёстанцыі “Нямецкая Хваля” для Беларусі

Мэмарандум Прэзыдыюму Рады Беларускай Народнай Рэспублікі

ў дачыненьні да пачатку вяшчаньня радыёстанцыі “Нямецкая Хваля” для Беларусі

12 жніўня 2005 году

Прэзыдыюм Рады Беларускай Народнай Рэспублікі, разгледзеўшы вынік тэндэру Эўрапейскай Камісіі, паводле якога кантракт на радыёвяшчаньне для Беларусі быў перададзены расейскай службе радыёстанцыі “Нямецкая Хваля”: Continue reading Мэмарандум Прэзыдыюму Рады Беларускай Народнай Рэспублікі ў дачыненьні да пачатку вяшчаньня радыёстанцыі “Нямецкая Хваля” для Беларусі

Memorandum on the tender by the European Commission for broadcasts to Belarus

Memorandum by the Executive Council

of the Rada of the Belarusian Democratic Republic

12 August 2005

The Executive Council of the Rada of the Belarusian Democratic Republic, having considered the results of the European Commission tender whereby the contract for radio broadcasts to Belarus was granted to the Deutsche Welle Russian service: Continue reading Memorandum on the tender by the European Commission for broadcasts to Belarus

Declaration by the Executive Council of Rada BNR on the official policies toward the Union of Poles in Belarus

Declaration by the Executive Council of the Rada of the Belarusian Democratic Republic

11 August 2005

The Executive Council of the Rada of the Belarusian Democratic Republic (BNR Rada) has considered the policies and administrative measures of the regime holding power in Belarus toward the Union of Poles in Belarus, and the circumstances of current crisis in diplomatic relations between the said regime and the Republic of Poland, and has issued the following declaration:

The present conflict has developed as a direct result of the regime’s consistent policy that treats any public activities beyond its control as political dissent and hence subject to suppression.

The policy of suppressing independent non-governmental organisations has been recently extended to ethnic minorities, namely the Union of Poles in Belarus. Increasingly desperate for total control in Belarus and hostile to the entire civilised world, the regime of A. Lukashenka has shown little regard for international public opinion while conducting its policy to take over or eradicate any public organisation in the country.

Continue reading Declaration by the Executive Council of Rada BNR on the official policies toward the Union of Poles in Belarus

Заява Прэзыдыюму Рады да падзеяў вакол Саюзу Палякаў на Беларусі а Беларуска-Польскіх дачыненьняў

Заява Прэзыдыюму Рады Беларускай Народнай Рэспублікі

10 жніўня 2005 году

У выніку разгляду палітычных і адміністрацыйных захадаў, ужытых рэжымам, што пануе ў Беларусі, у дачыненьні да Саюзу Палякаў на Беларусі, а таксама абставінаў бягучага крызісу ў дыпляматычных дачыненьнях паміж згаданым рэжымам і Рэспублікай Польшча, Прэзыдыюм Рады Беларускай Народнай Рэспублікі:

  • зазначае, што бягучы канфлікт стаўся непасрэдным вынікам пасьлядоўнай палітыкі рэжыму, што трактуе любую грамадзкую дзейнасьць, якая адбываецца па-за яго кантролем, як праяву палітычнай аппазыцыі ды гэтак як аб’ект для падаўленьня;
  • нагадвае, што рэжым, ня маючы павагі да нацыянальных інтарэсаў беларусаў, напрацягу больш як дзесяцігодзьдзя ўжывае розныя формы ўціску супраць усіх грамадзкіх ды няўрадавых арганізацыяў, дзейнасьць якіх як-колечы спрычынялася да ўмацаваньня беларускай нацыянальнай дзяржаўнасьці, асабліва ў галіне беларускай нацыянальнай культуры, разьвіцьця нацыянальнай  гістарычнай і палітычнай сьвядомасьці ў грамадзтве Беларусі;
  • прызнае, што ад нядаўняга часу палітыка падаўленьня незалежных няўрадавых арганізацыяў сталася пашырана на нацыянальныя меншасьці, а менавіта Саюз Палякаў на Беларусі. Усё больш роспачна трымаючыся за ўладу ў Беларусі ды будучы непрыязным да ўсяго цывілізаванага свету, рэжым А. Лукашэнкі паказвае мала павагі да міжнароднай грамадзкай думкі, праводзячы палітыку захопа кантролю або зьнішчэньня ў краіне любых грамадзкіх арганізацыяў, якія яшчэ захоўваюць ад яго незалежнасьць;
  • заўважае, што спробы рэжыму гвалтоўна накінуць свой кантроль Саюзу Палякаў спалучаюцца з правядзеньнем у Беларусі кампаніі непраўдзівай прапаганды, якая безпадстаўна сьцявярджае аб непрыязных дзеяньнях з боку Польшчы ды як нібыта замяшанасьць ў гэткую дзейнасьць грамадзкага згуртаваньня польскай нацыягальнай меншасьці.

З увагі на вышэйзгаданае, Прэзыдыюм Рады Беларускай Народнай Рэспублікі лічыць, што недэмакратычны рэжым у Беларусі праводзіць цяпер наўмысную кампанію супраць інтарэсаў пэўнай нацыянальнай меншасьці ды суседняй краіны, што мае на мэце асабліва:

  • стварыць вобраз зьнешняга ды ўнутранага ворага дзеля апраўданьня сваёй рэпрэсыўнай унутранай ды аднабаковай вонкавай палітыкі;
  • укараніць у грамадзтве Беларусі ўяўленьне аб любым непаслушэнстве або  нелаяльнасьці рэжыму як аб дзейнасьці накарысьць непрыязных замежных сілаў;
  • справакаваць крызіс у дыпляматычных дачыненьнях паміж дзьвюмя краінамі, дзеля грунтоўнага парушэньня сувязяў і дачыненьняў, што існуюць паміж дзьвюма народамі ва ўсіх галінах, разглядаючы іх як немэтазгодныя для захаваньня свайго кантроля ў Беларусі.

Прэзыдыюм Рады Беларускай Народнай Рэспублікі:

  • асуджае падаўленьне рэжымам, які пануе ў Беларусі, усіх незалежных няўрадавых арганізацыяў, бягучую кампанію супраць Саюзу Палякаў у Беларусі і правакацыю дыпляматычнага крызісу з Польшчай;
  • заяўляе аб сваёй адданасьці разьвіцьцю стратэгічных дабрасуседзскіх дачыненьнях паміж Беларусяй і Польшчай, і прызнае важнасьць гэтых дачыненьняў для нацыянальных мэтаў свабоднай і дэмакратычнай Беларусі;
  • выражае сваю згоду і салідарнасьць з Заяваю Старшынёўства ад імя Эўразьвяза,  ад 2 жніўня 2005 г.;
  • зазначае, што ад часу свайго ўтварэньня ў 1918 г., Рада і ўсе ўрады Беларускай Народнай Рэспублікі на Бацькаўшчыне і ў выгнаньні заставаліся пасьлядоўна адданымі прадстаўленьню ды абароне інтарэсаў нацыянальных меншасьцяў у Беларусі;
  • разглядае датычныя міжнародныя пагадненьні і эўрапэйскія стандарты ў галіне абароны правоў нацыянальных меншасьцяў, таксама як і правоў чалавека ды палітычных правоў увогуле, у якасьці безумоўна абавязковых;
  • прызнае, што з увагі на гэтыя стандарты ды міжнародныя пагадненьні, міжнародная супольнасьць мае права, і абавязак, ужываць захады, адпаведныя ў міжнародных дачыненьнях, дзеля выкананьня гэтых нормаў рэжымам, што пануе ў Беларусі;
  • заяўляе, што любыя дзеяньні ў парушэньне зазначаных нормаў пазбаўлены легітымнасьці, а ўсе наступствы, якія могуць паўстаць у выніку гэткіх палітычных дзеяньняў, ня мецьмуць праўнае моцы.

Зварот Старшыні Рады БНР з нагоды Дня Волі 2005

Дарагія Суродзічы!

Ад імя Рады Беларускай Народнай Республікі вітаю Вас з нашым вялікім нацыянальным сьвятам – нашым Днём Волі – Днём 25-га Сакавіка.

3 сумам канстатую, што афіцыяльная Беларусь, у адрозьненьне ад ўсіх суседніх народаў былой расейскай імпэрыі, дасюль не адзначае абвешчаньня, пасьля доўгай няволі, незалежнасьці сваей дзяржавы. Без абвешчаньня Радай БНР незалежнасьці ў 1918-м годзе сёньня ўжо беларускай дзяржаўнасьці, магчыма, іне было б.

Дарагія суродзічы, шмат гаворыцца й пішацца апошнім часам у сьвеце пра будучыню Беларусі. Але толькі ад беларускага народу – ад нас самых – будзе залежаць, ці Беларусь застанецца другой Кубай на парозе заможнай Эўропы, ці станецца паўнавартасным сябрам Эўрапэйскай супольнасьці.

Цяпер, як ніколі, нам трэба паказаць сьвету што мы народ эўрапэйскі, што мы паважаем адзін аднаго, што мы салідарныя ў змаганьні за нацыянальную годнасьць і лепшае жыцьцё.

Палітыкі, якія змагаюцца не за дабро Беларусі, а між сабой за ўладу, ня вартыя нашай увагі. Далучайцеся да радоў тых змагароў, якія ведаюць, што толькі зьяднанымі мы народзім вольную і дэмакратычную Беларусь, і што толькі тады наш народ зойме пачэснае месца між іншых народаў сьвету. Із свайго боку, Рада БНР будзе працягваць змаганьне пакуль не дасягнем гэтае мэты.

Дык памажы нам Божа! Жыве Беларусь!

Івонка Сурвілла,
Старшыня Рады БНР

Зварот да беларускага грамадзтва з нагоды 85 угодкаў абвешчаньня незалежнасьці Беларусі

ЗВАРОТ
да беларускага грамадзтва з нагоды 85-х угодкаў абвешчаньня Незалежнасьці Беларусі

Дарагія Суродзічы,

Ад імя Рады Беларускае Народнае Рэспублікі, вітаю Вас з нашым вялікім нацыянальным сьвятам і юбілеем, 85-мі ўгодкамі абвешчаньня – пасьля даўгога пэрыяду паняволеньня нашага краю расейскай імпэрыяй – Незалежнасьці Беларускай Народнай Рэспублікі.

Жадаю кожнаму з Вас асабістага шчасьця і задавальненьня з жыцьця. Але ведаю сама па сабе: сапраўднае шчасьце мы адчуем толькі ў сваёй незалежнай і дэмакратычнай дзяржаве.

Дык што ж: трэба працягваць змаганьне. І таму жадаю Вам патрэбных у гэтым змаганьні мужнасьці і вытрываласьці, гордасьці нашай спадчынай ды веры ня толькі ў свае сілы, але і ў сілы ўсяго беларускага народу.

Хацела б адначасна падзяліцца думкамі пра нашую найбольшую патрэбу – еднасьць.

Трагедыя нашага народу – як на Бацькаўшчыне, так і на чужыне – гэта адсутнасьць між намі адзінства і салідарнасьці. Думаю, што выплывае гэта з нашага скрайняга індывідуалізму. Дзіўны парадокс беларускае натуры: беларус памяркоўны ў дачыненьні да чужых, але часта вельмі непамяркоўны ў дачыненьні да сваіх. На дзіва, гістарычна гэта не ператварылася ў неталерантнасьць нашага народу.

Затое на кожным кроку бачу, да чаго вядзе наша міжсобная непамяркоўнасьць. Divide et impera – казалі рымляне: падзяляй і пануй. Гэта зразумелі ўсе калянізатары, усе імпэрыі. Перад тым, як пачаць сьціраць гістарычную памяць народу, перад тым, як адбіраць у яго рознымі спосабамі ягоныя каштоўнасьці, каб лягчэй было яго паняволіць, яго дзеляць. Нас дзялілі і адны, і другія шмат разоў. Дзялілі нашую тэрыторыю, дзялілі нас на ўсходніх і заходніх, на праваслаўных і каталікоў на працоўных і паноў і г.д, і г.д. Толькі з аднэй мэтай: каб лягчэй было нас падпарадкаваць ды сьцерці як нацыю з паверхні зямлі.

Сёньня заклікаю кожнага палітычнага і арганізацыйнага лідэра: яднайце людзей вакол ідэалаў 25-га Сакавіка і яднайцеся між сабою. Незалежнасьці паасобку мы не абаронім. Рэжыму паасобку ня зьменім. Дабрабыту нашага народу паасобку мы не дасягнем.

Адзін вельмі дарагі мне сьвятар прыгадаў аднойчы народную мудрасьць – прыклад веніка, які лёгка паламаць галінка па галінцы, а які такі моцны, калі зьвязаны. Нядаўна пацьвердзілі гэта падзеі ў Югаславіі. Народ пазбыўся дыктатуры толькі тады, калі зьяднаўся ды выйшаў сотнямі тысяч на вуліцы Бялграду. Прыклад гэты, магчыма, цяжка ажыцьцявіць у Беларусі ў гэтым мамэнце, але калі хочам выжыць як нацыя, мусім цяпер ужо шукаць адзінства. Мы выратуем наш край і здабудзем той лад жыцьця, на які заслугоўваем, толькі разам – зьяднаныя.

Жыве Беларусь!

Івонка Сурвілла
Старшыня Рады Беларускай Народнай Рэспублікі