All posts by radabnr

Клаўдзі Дуж-Душэўскі

27 сакавіка 1891 г. у Глыбокім нарадзіўся Клаўдзі Дуж-Душэўскі – беларускі грамадзкі і дзяржаўны дзеяч, дыплямат, архітэктар, стваральнік сучаснага эскіза беларускага нацыянальнага бел-чырвона-белага сьцяга.

Continue reading Клаўдзі Дуж-Душэўскі

BNR RADA CONDEMNS VIOLENCE AGAINST DEMONSTRATORS, CALLS FOR POLITICAL AND ECONOMIC PRESSURE ON PRO-RUSSIAN REGIME IN BELARUS

Rada of the Belarusian Democratic Republic actively condemns the violence by the police of the Lukashenka regime against citizens during peaceful demonstrations on March 25, 2017.

Continue reading BNR RADA CONDEMNS VIOLENCE AGAINST DEMONSTRATORS, CALLS FOR POLITICAL AND ECONOMIC PRESSURE ON PRO-RUSSIAN REGIME IN BELARUS

РАДА БНР АСУДЖАЕ ГВАЛТ СУПРАЦЬ ДЭМАНСТРАНТАЎ, ЗАКЛІКАЕ ЎЖЫЦЬ ПАЛІТЫЧНЫ І ЭКАНАМІЧНЫ ЦІСК НА ПРОРАСЕЙСКІ РЭЖЫМ У МЕНСКУ – ЗАЯВА

Рада Беларускай Народнай Рэспублікі рашуча асуджае гвалтоўныя дзеяньні сілавых структураў лукашэнкаўскага рэжыму супраць грамадзянаў падчас мірных дэманстрацыяў 25 сакавіка 2017 году.

Continue reading РАДА БНР АСУДЖАЕ ГВАЛТ СУПРАЦЬ ДЭМАНСТРАНТАЎ, ЗАКЛІКАЕ ЎЖЫЦЬ ПАЛІТЫЧНЫ І ЭКАНАМІЧНЫ ЦІСК НА ПРОРАСЕЙСКІ РЭЖЫМ У МЕНСКУ – ЗАЯВА

Віншаваньне з Днём Волі ад прэзыдэнта ЗША Джорджа Буша (старэйшага) – 1989

Афіцыйнае віншаваньне з гадавінай абвяшчэньня незалежнасьці БНР ад прэзыдэнта ЗША Джорджа Буша (старэйшага), 1989 г.

БЕЛЫ ДОМ
ВАШЫНГТОН

31 сакавіка 1989 г.

Я рады вітаць усіх, хто разам зь Беларускім Каардынацыйным Камітэтам ушаноўвае 71-я ўгодкі Беларускай Незалежнасьці.

Адзначаючы гэтую падзею, мы ўшаноўваем багатую нацыянальную спадчыну, якою Беларусь дзялілася са сьветам на працягу стагодзьдзяў. Мы сьвядомыя таго, што нельга згасіць людзкую прагу да свабоды нават дзесяцігодзьдзямі часу. Я ўхваляю вас у вашых намаганьнях трымаць нядолю беларусаў перад увагаю амэрыканцаў, якім пашасьціла жыць у свабодным грамадзтве.

Continue reading Віншаваньне з Днём Волі ад прэзыдэнта ЗША Джорджа Буша (старэйшага) – 1989

Рональд Рэйган: “Божа, блаславі Беларусь” – віншаваньне з Днём Волі, 1988 г.

Афіцыйнае віншаваньне з 70-мі ўгодкамі абвяшчэньня Беларускай Народнай Рэспублікі ад прэзыдэнта ЗША Рональда Рэйгана, 1988 г.

БЕЛЫ ДОМ
ВАШЫНГТОН

24 сакавіка 1988 г.

Сардэчныя прывітаньні амэрыканскім беларусам і ўсім, хто адзначае 70-я ўгодкі Беларускае Незалежнасьці. Адзначэньнем гэтых угодкаў ушаноўваецца ўпартасьць беларусаў у сваім жаданьні жыць у свабодзе й незалежнасьці. Таксама гэта ўшанаваньне гордае і старажытнае спадчыны, дзеля захаваньня якое вы робіце так шмат.

Continue reading Рональд Рэйган: “Божа, блаславі Беларусь” – віншаваньне з Днём Волі, 1988 г.

Зварот Старшыні Рады БНР да беларускага народу з нагоды Дня Волі

Шаноўныя суродзічы, дарагія сябры беларусы!

Ад імя Рады Беларускай Народнай Рэспублікі віншую вас з нашым вялікім нацыянальным сьвятам! У гэты дзень, 25 сакавіка 1918 г., пасьля доўгай няволі, калі вонкавы сьвет забыўся пра нашае існаваньне, народ наш заявіў, што хоча жыць у сваёй незалежнай дзяржаве.

Давялося чакаць яшчэ больш як сем дзесяцігодзьдзяў, пакуль Беларусь сталася ўсімі прызнанай дзяржавай, але калі б не было ў сакавіку 1918 году людзей, якія моцна верылі ў сваё права быць вольнымі на сваёй зямлі, – не здабылі б мы ў жніўні 1991-га сваёй дзяржавы.

Дарагія сябры, праз год, 25 сакавіка 2018 г., мы адзначым 100–гадовы юбілей абвяшчэньня незалежнасьці Беларускай Народнай Рэспублікі. У нармальнай дэмакратычнай краіне, дзяржава рыхтавалася б да вялікага сьвята – але цяпер, на жаль, настрой не сьвяточны. У гэтым 2017 годзе наш край ізноў апынуўся пад пагрозай быць зьняволеным тым самым захопнікам.   Разьвіцьцё апошнім часам падзеяў вельмі трывожнае. Перад мілітарызацыяй нашай зямлі расейскімі базамі і манэўрамі з удзелам тысячаў расейскіх вайскоўцаў, Беларусь успрымаецца Захадам верным саюзьнікам Масквы, і падзел паміж двума сьветамі пакідае нас штораз часьцей на баку варожай нам імпэрыі. У выпадку вайны наш народ ізноў зробіцца першай яе ахвярай.

Зьвяртаюся сёньня да беларускага народу, у Беларусі і ўва ўсім сьвеце. Гэтак, як нашая гераічная моладзь, якая нядаўна бараніла Курапаты, скажыце ўсяму сьвету і прамаскоўскім хаўрусьнікам у Менску, што беларускі народ не зьбіраецца ізноў паміраць за чужыя імпэрыі, што край наш выбраў нэўтралітэт, калі ён меў магчымасьць выказаць сваю волю, і што ён быў уцягнуты ў варожую нам Эўразійскую зону, нягледзячы на гэтае жаданьне, выказанае ў Канстытуцыі.

У гэты вельмі неспакойны час, калі кожная дзяржава мае свае ўласныя клопаты і ня мае часу прыслухоўвацца да чужых праблемаў, цяжка пераканаць тых, хто гэтага ня ведае, што мілітарныя базы на сваёй зямлі мы ўспрымаем – як пагрозу незалежнасьці нашай дзяржавы.

Аднак пра гэта трэба гаварыць, трэба пісаць усім нам як індывідуальна, гэтак і калектыўна, ад імя беларускіх арганізацыяў, звароты да ўрадаў краінаў, дзе мы пражываем. Трэба рабіць усё магчымае, каб нас бачылі, каб нас чулі, каб ведалі, што народ наш ізноў пад пагрозай з боку суседа, злачынную небясьпеку якога сьвет нарэшце зразумеў. Трэба, каб лінія абароны Эўропы праходзіла ня ўздоўж зяходняй мяжы Беларусі з Эўразьвязам, а ўздоўж мяжы ўсходняй – з Расеяй.

Дарагія мае суродзічы на Бацькаўшчыне, трэба, каб вы таксама заявілі сьвету, што вы ізноў быць калёніяй Масквы не зьбіраецеся. З сумам канстатую, што трэба быць героем, каб у Беларусі змагацца за волю нашай зямлі. З глыбіні сэрца віншую тых, хто гэта штодзённа робіць. Сьвет пра вашае змаганьне ведае. Воля і Незалежнасьць Беларусі, у першую чаргу – у вашых руках!

Жыве Беларусь!

 

Івонка Сурвілла,
старшыня Рады Беларускай Народнай Рэспублікі.

Сакавік, 2017 г.

Сувэнірныя талеркі на Дзень Волі

Сувэнірныя талеркі на Дзень Волі

У якасьці падарунка на Дзень Волі – 2016 Сакратарыят Інфармацыі Рады БНР прадставіў файлы з малюнкамі для вырабу сувэнірных талерак ці іншай сувэнірнай прадукцыі.

Выявы былі зробленыя адмыслова па замове Рады БНР, даступныя ў фарматах PDF, CDR, PNG адным архівам ZIP:

https://drive.google.com/file/d/0Bz_v1bk1KVrHLVVnMjgzNGJObkU/view?usp=sharing

Аўтар дызайну – Вера Сьцебурака.

Адпаведныя кампаніі, якія друкуюць выявы на талерках і іншых керамічных вырабах (напр., куфлях) можна знайсьці ў любым буйным горадзе (напрыклад, http://www.ceramicprinting.com/custom-dinnerware/ , http://www.ceramicdigital.co.uk/digital-printing.php і іншыя).

У выпадку праблемаў з скачваньнем ZIP-архіву, калі ласка, пішэце нам у прыватныя паведамленьні.

Жыве Беларусь!

Расправа нацыстаў над жыхарамі Хатыні – 22.03.1943

22 сакавіка – гадавіна зьнішчэньня вёскі Хатынь нямецкімі нацыстамі пры ўдзеле сфармаванага з савецкіх ваеннапалонных батальёну дапаможнай паліцыі. Расправа над жыхарамі Хатыні стала адным з сымбаляў нацыстоўскіх злачынстваў супраць беларускага цывільнага насельніцтва ў час Другой Сусьветнай Вайны.

Continue reading Расправа нацыстаў над жыхарамі Хатыні – 22.03.1943